ఎలాంటి పరిస్థితిలోనైనా అండగా ఉంటా’ అని ప్రభుదేవా మాటిచ్చారట.

‘ఇంకా నయం.. నీ పాదం మీద పుట్టుమచ్చనై చెల్లెమ్మా… అని ప్రభుదేవా పాట అందుకోలేదు’ అని కొంతమంది వ్యంగ్యంగా మాట్లాడుకుంటున్నారు. దానికి కారణం అతని కొత్త ‘చెల్లెలు (?) హన్సిక. ప్రభుదేవా దర్శకత్వంలో ఈ ముంబయ్ బ్యూటీ ‘ఎంగేయుమ్ కాదల్’ అనే తమిళ చిత్రంలో కథానాయికగా నటించారు. త్వరలో ఈ చిత్రం విడుదల కానుంది. ఈ చిత్రం నిర్మాణంలో ఉన్నప్పుడు ప్రభుదేవా, హన్సిక మధ్య మంచి అనుబంధం ఏర్పడింది. ఆ అనుబంధానికి ‘ప్రేమ’ అని చాలామంది అర్థం చెబుతున్నారు.

ఈ విషయం గురించి హన్సిక స్పందిస్తూ – ‘‘పనీ పాటా లేనివాళ్లు గాలి వార్తలు వండే పని మీద ఉంటారనుకుంటా. సెలబ్రిటీల ఇమేజ్‌తో ఆడుకోవడమే వీరి పని. తద్వారా కావల్సినంత ఆనందం పొందుతారు. కానీ మాకు మాత్రం బాధను పంచుతారు. ప్రభుదేవా సార్ నాకు పెద్దన్నయ్యలాంటివారు. నేను ఆయనకు చిట్టి చెల్లెలిలాంటిదాన్ని. ఆ విషయాన్ని చాలామంది అర్థం చేసుకోవడంలేదు. లేనిపోని వార్తలు సృష్టిస్తున్నారు. ఈ వార్తలు విని నాకు విసుగొచ్చేసింది. నా సహనం కూడా నశించింది.
అందుకే ‘ఇగ్నోర్’ అనే పదాన్ని మైండ్‌లోకి తెచ్చుకున్నా. మా అనుబంధాన్ని వక్రీకరించి ఎవరు మాట్లాడినా.. ఈ చెవిలో విని ఆ చెవిలోంచి వదిలేస్తాను. ఎవరికీ సమాధానం చెప్పను, సంజాయిషీ ఇచ్చుకోను. మేమేంటో మాకు తెలుసు’’ అన్నారు. ఇదిలా ఉంటే.. ‘ఎంగేయుమ్ కాదల్’ చిత్రం షూటింగ్ చివరి రోజున ‘నేను నీకు అన్నయ్యలాంటివాడ్ని. ఎలాంటి పరిస్థితిలోనైనా అండగా ఉంటా’ అని ప్రభుదేవా మాటిచ్చారట. ఈ విషయాన్ని హన్సిక ఓ సందర్భంలో చెప్పారు. అయినా వదంతులు రావడం ఆమెను బాధపెట్టింది.

సీన్ రివర్స్ అయ్యింది! సినీ పరిశ్రమలో కథానాయికల మధ్య పోటీ అనేది సర్వసాధారణం.

NAYANATARA

సినీ పరిశ్రమలో కథానాయికల మధ్య పోటీ అనేది సర్వసాధారణం. ఆ పోటీ కాస్త ముదిరితే కథానాయికల మధ్య కోల్డ్‌వార్‌కు దారి తీస్తుంటుంది. అలాంటి వాతావరణమే నయనతార, త్రిషల మధ్య వుందని అప్పుడప్పుడూ వార్తలు వినిపిస్తుంటాయి. ఈ ఇద్దరి మధ్య పచ్చగడ్డి వేస్తే భగ్గుమంటుందని ఇరువురి సన్నిహితులు చెబుతుంటారు. ఇప్పుడు ఈ తారల కోల్డ్‌వార్‌కు మరింత ఆజ్యం పోసే విధంగా ఓ ఆసక్తికరమైన విషయం జరిగింది.
వివరాల్లోకి వెళితే… ప్రముఖ కథానాయకుడు వెంకటేష్ హీరోగా తేజ దర్శకత్వంలో ‘సావిత్రి’ పేరుతో త్వరలో ఓ చిత్రం సెట్స్ మీదకు వెళ్ళనుంది. మొదట్లో ఈ చిత్రంలో దర్శకుడు త్రిషను నాయికగా ఎంపిక చేశారు. కాగా ఇప్పుడు త్రిష స్థానంలో నయనతార పేరును పరిశీలిస్తున్నారని తెలిసింది. గతంలో నయనతార ‘లక్ష్మీ, తులసి’ చిత్రాల్లో వెంకటేష్‌తో జత కట్టారు. అయితే ప్రభుదేవాను వివాహం చేసుకోవాలని నిర్ణయించుకున్న నయనతార గత కొద్ది కాలంగా సినిమాలు అంగీకరించడం లేదు.
కానీ ఇప్పుడు ఆమె వరుసగా సినిమాలు చేయాలని నిర్ణయించుకున్నారట. అందుకే బాలకృష్ణతో కలిసి ‘శ్రీరామరాజ్యం’ చిత్రంలో నటించటానికి గ్రీన్ సిగ్నల్ ఇచ్చారామె. ఈ చిత్రంలో ఆమె సీత పాత్రలో కనిపించనున్నారు. ఇక తాజాగా నయనతార. అయితే తను చేయాలనుకున్న పాత్రపై నయన దృష్టి పెట్టడం త్రిషకు అస్సలు మింగుడుపడటం లేదట. గతంలో తమిళంలో నయనతార చేయవలసిన కొన్ని పాత్రలను త్రిష చేజిక్కించుకున్నట్లు వార్తలు వచ్చాయి. తాజాగా ‘సావిత్రి’లో కనుక నయనతార కమిట్ అయితే సీన్ రివర్స్ అయ్యిందని చెప్పొచ్చు.